பள்ளி மாணவ மாணவியர் கல்வி மற்றும் விளையாட்டில் சிறந்து விளங்க யோகக் கலை எவ்வாறு அடித்தளமாக அமைகிறது என்பதை இந்தப் புத்தகம் மிகத் தெளிவாக விவரிக்கிறது. வளரும் பருவத்தில் உடல் வளர்ச்சியையும், சீரான ஹார்மோன் சுரப்பையும் உறுதி செய்ய மாணவர்கள் அன்றாடம் செய்ய வேண்டிய எளிய ஆசன முறைகள் இதில் பட விளக்கங்களுடன் கொடுக்கப்பட்டுள்ளன.

கல்வியில் அதிக கவனம் செலுத்தவும், தேர்வுகளைப் பயமின்றி எதிர்கொள்ளவும் மாணவர்களுக்குத் தேவையான மன ஒழுக்கத்தை இந்தப் பயிற்சிகள் வழங்குகின்றன.குறிப்பாக, மாணவர்களின் ஞாபக சக்தியை (Memory Power) அபரிமிதமாகப் பெருக்குவதற்கான சிறப்பு ஆசனங்கள் மற்றும் மூளைத் திறனைத் தூண்டும் பிராணாயாம உத்திகள் இதில் பிரத்யேகமாகத் தொகுக்கப்பட்டுள்ளன.

பாடங்களை எளிதில் உள்வாங்கவும், நீண்ட காலம் நினைவில் வைத்துக் கொள்ளவும் உதவும் இந்தப் பயிற்சிகள் மாணவர்களின் அறிவுத் திறனை மேம்படுத்தும். அதோடு, மனோதிடத்தையும் மனோபலத்தையும் பெருக்கி, விடாமுயற்சி மற்றும் தன்னம்பிக்கையுடன் இலக்குகளை அடைய வழிவகுக்கும் உன்னத வழிகாட்டியாக இந்தப் புத்தகம் விளங்கும்.